2022年卡塔尔世界杯即将开波，今届主办方要求各支国家队用队内一位招牌球星做宣传海报。之后官方会将呢32张巨大海报贴在多哈市中心。让人意外嘅系，葡萄牙队并未让C.朗拿度（Cristiano Ronaldo）担任海报人物，佢哋打算用般奴费南迪斯（Bruno Fernandes）或者迪奥高祖达（Jota）来代表葡萄牙。

《每日邮报》表示，卡塔尔世界杯官方正在为世界杯32强制作巨幅海报（75英尺高）。而海报嘅球员就由各队自己来定，C.朗系葡萄牙阵中名气最大嘅球星，但葡萄牙队今次就无用佢嚟做海报人物，呢个举动多少令人有啲意外。

从2003年首次代表葡萄牙到依家，C.朗过往20年都系葡萄牙足球嘅象征。然而，如今已经37岁嘅C.朗已走到职业生涯嘅后段，无可否认，佢喺国家队嘅重要性亦越来越低。

最近嘅2场国家队比赛，C.朗颗粒无收，即使有黄金机会亦把握唔到，状态十分低迷，甚至有调查显示有高达57%嘅葡萄牙球迷建议主帅将C.朗放喺后备席。而最近9次代表国家队出战，C.朗仅射入2球。从葡萄牙今次无用C.朗做海报人物嘅决定可以睇得出，佢哋正为国家队选择一个新嘅方向、甚至一个新嘅领军人物。

比起C.朗，般奴或者祖达更年轻，且状态更佳，的确系可以接替C.朗嘅衣钵。而对C.朗嚟讲，佢依家最重要系要摆正心态，以乐观嘅态度应对呢个转变，毕竟佢真系已经不再年轻。本周，《太阳报》更爆料称葡萄牙队内有部分球员已经对C.朗不可动摇嘅队内地位提出咗质疑。